Avoi 75nak Chin Miphun Ni Cawlcanghnak
South Korea ram chin mi tambik umnak Seoul khua ah a voi 75nak Chin Miphun Ni (Feb 20) cu 19/02/2023 niah Municipal Boramae Youth Training Center ah tuah asi. Chin miphun ni ai thawhkeh ning tuan bia chimrelnak in siseh, Pathian nih miphun pakhat si ding ah an kan ser i, kan miphun sinak kaltak khawh asi lo ning le kan miphun kan kilhkalh a herh ningcang kong pawl chim phuannak in caan hmannak ngeih asi.
Tutan miphun ni lawmhnak ah NUG Palai, Korea, UNA- SK president, MFDMC president hna le adang tlangcung mi hruaitu tampi hna zong a rak i tel kho ve hna, kan miphun ni tuahnak kong ah lunglawmhpinak le conglawmhnak bia an chim dih hnu ah, dothlennak konghe pehtlaiin, hmailei ah thawngchin in hmunkhat teah pehzulh in kan doh ti i, teinak kan hmuhnak hnga forhfialnak biachimnak an kan ngeihpiak.
Kan Chin seino leng le val rual hna nih an pahrang in, ngeihcim lomi an awzai hna in ramhla sak mi le zohcim lomi pipu nih rak roh tak mi an kutzungneh chin thilthuam dawh seino iang ngei leng le val rual hna nih i hruh in laam phuntling he ai dawhnak an langhter mi kho nih a sun lawiter. Tutan Chin miphun ni cu Chin Community Korea (CCK) hruainak in tuah asi, minung 100 leng i telnak in tlamtling tein caan hman asi.
