Manghluan

Elvey’s

PZeitin hramdomh lai hngal hlah
Biangpar mitthili nih zul kaw

Tlangpar khuadawm ttian ai kun
Nang zuun ngaih bel ttian hlei hlah

Na tuar har tuk maw ka Dawt
Na mawh hrim lo ram caah

Linsa tuk ko lai ka Dawt
Bawi lo nih bawiduh ruangah

Dairial tidai cang ai ning
Na linhsatnak daideuh seh

Locul le maw lohnon bang
Zuu le zawng hna riahnak ah

Ramhnin le maw Tawklian aw
Kilkamh u law kan pu lo rawn

Tho usih law hmangsom sih
Kaangdal sih law thlaithla sih

Khuamawt cung ceucin hruai law
Sul hmai ah nang ruang vai law

Cerlian liam hnu thlatangpa
Deirel nih ceu than um seh

Fingreicat ar khuang cang law
Ka Dawt MANGHLUAN hlau than seh

Zing dapti aw tla cang law
Ka Dawt lung daihter dingah

Kan ngai tuk ka Dawt
MANGHLUAN
Chimko ah cun Sui ThanTlang
2023/01/2023@ 3:00 Am