Kum 2023 A Voikhatnak Senri Seminar Kan Lim
Kum 2023 A Voikhatnak Senri Seminar Kan Lim
Chin Mission Church Youth Fellowship hruainak in Senri Seminar cu Seoul khualipi Guro khuapi ah a ummi Songkongheo University ah 2023, April 30 (Sunday) ni zinglei 8:30 in chun 12:30 tiang kan tuah kho.
Seminar ah minung 30 hrawng i tel a si. Seminar cu part (3) then a si i, part khatnak ah Dr. Joshua Mang Neih Cung nih a ngandammi Khrihfabuu timi topic in a kan cawnpiak. Part (2) ah Rev. Taan Mang nih Laica le Lai miphun zeitin kan thanchoter lai ti in le part (3) ah Dr. Kim Hye Mi nih Multicultural Situation in Korea kong a kan cawnpiak.
Cawnpiaknak a dih hnu ah, sunglawih lomhnak laksawng i peknak le group photo hmanthlak ttinak ngeih bu in kum 2023 a voikhatnak Senri Seminar cu tluangte in kan lim. Arak kai khomi, online in a kan telpitu hna le thla a kan campiaktu hna nan zapi cung ah lunglomhnak tampi kan ngei.
Upatnak he
CMC Mino
