Avoi 9nak Asbury Sianginn Ah Thanghphawknak “Revival”
America ram Kentucky state chung a cang mi 2023 Asbury revival a cangmi thil hi zeitin dah ai thok! Feb 8, 2023 zing 11 :00 Am ah Asbury University siahngakchia hna cu chapel pumhnak an ngeih tawnnak Hughes Auditorium ah thlacam pumhnak an ngei hna, pumhdih hnu ah siahngakchia tlawmpal an tang hna i pumpeknak le sual ngaichihnak he thlacamnak an ngeihnak i an thok mi asi. Tutan asbury revival ah hin generation Z tiah uah mi mino a tam khun ti si, nikhat ah minung 15,000 tluk ni chiar pumhnak a tel mi asi. asburyrevival tiin hashtag tuah in social media Tiktok ah a tar in Feb 15 ni tiangah 24 million nih zoh (view) asi, Feb 18 ah cun 60 milllion nih van zoh a si cang.
Asbury University tunabia tawi
Asbury University cu Wilmore khua Kentucky Ramkulh, America ram ah John Wesley Hughes nih September 2, 1890 ah Kentucky Holiness College ti min bunh in a rak dirh mi asi i, kum khat a ruah hnu ah, Asbury College tiah min thlen asi than hnu ah 1891-2010, 2010 Kum in Asbury University tiah min thlen lan asi. Mah hi sianginn cu pumpak dirhmi le zalong tein (non-denomination) a kal mi sianginn asi. Tutan hi avoi 9nak revival Asbury Sianginn ah a tlun than asi, Kum 1905, 1908, 1921,1950, 1958, 1970,1992, 2006, 2023. 1970 Feb 3, lio zongah ruahlo piin zing 10:00 AM pumnak an ngeih lio ah a rak cang bal.
